Мемлекет басшысы Қасым-Жомарт Тоқаев 13-14 маусымға жоспарланған Астанадағы халықаралық форумды өткізбеуге шешім қабылдады, деп хабарлайды Zakon.kz.
13 сәуірде Ақорда жариялаған ресми ақпаратқа сүйенсек, мемлекет басшысы Қасым-Жомарт Тоқаев еліміздегі жойқын су тасқынының салдарын жою және зардап шеккен азаматтарға көмектесу үшін басқа шараларға жұмсалатын қаржыны барынша үнемдеу қажет екенін ескере отырып, биылғы 13-14 маусымға жоспарланған Астана халықаралық форумын өткізбеу туралы шешім қабылдады.
«Президент форумға шақырылған қонақтар бұл шешімге түсіністікпен қарайды деп сенетінін жеткізді», – деп жазылған ресми ақпаратта.
Астана халықаралық форумы өз жұмысын 2025 жылы жалғастыратын болады.
