Ресейде жол апатына кінәлі қазақстандықты қамауда ұстау мерзімі ұзарды, – деп хабарлайды Tengrinews.kz тілшісі ҚР СІМ ресми өкілі Айбек Смадияровқа сілтеме жасап.
Жол-көлік оқиғасы 2018 жылы 29 қарашада Екатеринбургке кіре берісте болған еді. ҚР СІМ мәліметінше, жүк көлігінің тізгінінде Қазақстан азаматы болған. Ол Түркістан облысының тумасы. Тергеу нұсқасы бойынша, жүк көлігінің тіркемесі жолдың қарсы бағытына шығып кеткен.
«Соның салдарынан үш автокөлікпен соқтығысты. Ресей Федерациясының бес адамы қаза тапты. Қазіргі уақытта біздің елдің азаматы тергеу изоляторында жатыр. Ол 2019 жылдың 1 сәуіріне дейін қамауда болады. Біздің консул барлық қажетті консулдық-құқықтық көмек көрсетіп, осы мәселені бақылауда ұстайды», – деді Айбек Смадияров.
[ad_2]
Дереккөз: kaz.tengrinews.kz
