Бүгін БАҚ беттерінде энергетика минитсрі Қанат Бозымбаев жол апатына түсті деген ақпарат пайда болды. Жол-көлік оқиғасы қайғылы жағдаймен аяқталды деген қауесеттер де тарап кеткен. Алайда, ол шындыққа жанаспайтын болып шықты. Министрдің баспасөз хатшысы Нұрлыбек Жеңісбек бұл ақпаратты жоққа шығарды деп хабарлайды KAZ.NUR.KZ.
Бозымбаевтың жол апатына түскені туралы ақпараттың жалған екенін баспасөз хатшысы өзінің Facebook парақшасында хабарлаған.
Оның сөзінше, жалған ақпаратты өз тыңдармандарына радиостанциялардың бірі жеткізген.
«Эфирде энергетика министрі Қанат Бозымбаевтың адам өлімімен аяқталған жол апатына түскені туралы ақпарат шыққанына байланысты энергетика министрлігі ресми түрде хабарлайды: Ақпарат шындыққа жанаспайды» , – деп жазды Нұрлыбек Жеңісбек.
Ол министрдің дені сау, толығымен жұмыс үрдісінде жүргенін айтты.
