Home Жаңалықтар Экология министрі ең лас қалаларды атады

Экология министрі ең лас қалаларды атады

33

Экология, геология және табиғи ресурстар министрі Мағзұм Мырзағалиев еліміздегі ең лас қалаларды атады. Бұл туралы ол Tengrinews.kz тілшісіне берген сұхбатында айтты.

Министрдің айтуынша, ең лас қалалардың тізімінде Теміртау көш бастап тұр.  «Экологиялық жағдайы нашар қалалардың тізімінде бірінші болып Теміртау тұр. Сондай-ақ, бұл тізімге Алматы, Нұр-Сұлтан, Өскемен, Атырау, Қарағанды, Ақтөбе қалалары кірді. Теміртау, Өскемен және Қарағанды қалаларының қатты ластануына өнеркәсіптік кәсіпорындар себеп болса, Нұр-Сұлтан мен Алматының ластануына көлік және жеке секторлардың жылыту жүйесі себеп. Ал Ақтөбе мен Атырауда күкіртті сутек мәселесі шешілмей тұр», – деді министр сұхбатында.  Мағзұм Мырзағалиевтің айтуынша, бұл проблемаларды шешудің жалғыз жолы жасыл технологияларға көшу, яғни қосымша фильтрлер орнату.
Kaz.tengrinews.kz

Алдыңғы жазбаТоқаев Ұлттық қоғамдық сенім кеңесінің мүшелерімен кездесті
Келесі жазбаШымкент кафесінде болған атыстың видеосы жарияланды