Абай облысында әскери қызметші өлі табылды.
«19 қыркүйекте жұмыстан тыс уақытта Аягөз гарнизонындағы әскери бөлімдердің бірінде қызмет ететін офицердің денесі үйінен табылды. Алдын ала ақпарат бойынша, офицер өзіне-өзі қол жұмсаған», – деп хабарлады гарнизон.
Себептері мен мән-жайы анықталып жатыр. Әскери қызметкердің өліміне қатысты қылмыстық іс қозғалған.
Құрлық әскерлерінің қолбасшылығы әскери қызметшінің отбасы мен жақындарына көңіл айтады.
Еске салайық, бұған дейін қорғаныс министрі Руслан Жақсылықов генералдар мен әскери шенділерді жеке құраммен жұмыстағы кемшіліктері үшін сөккенін хабарлаған едік.
