Былтырғымен салыстырғанда жол-көлік оқиғаларының саны 90 пайызға артқан. Бұл туралы бас прокурор Берік Асылов мәлімдеді, – деп хабарлайды Tengrinews.kz тілшісі.
«Былтырғымен салыстырғанда жолдағы апат саны 90 пайызға өсті. Жол-көлік оқиғалары құрбандарының саны да артқан. БҚО, ШҚО, Атырау, Маңғыстау, Абай, Ұлытау облыстары мен Шымкент қаласында теріс үрдіс болып жатыр», – деп жазды Асылов X (бұрынғы Twitter) парақшасында.
Берік Асылов осыған байланысты нақты шаралар әзірлеуді тапсырғанын айтты.
«Осыған байланысты, прокурорларға мемлекеттік органдармен бірлесіп, ең алдымен жолдардың неғұрлым апаттық-қауіпті учаскелеріне назар аудару арқылы ЖКО-ның себептерін анықтап, нақты шаралар әзірлеуді тапсырдым».
