Құжатта электр энергиясы мен жылу энергиясының жалпы өндірісіндегі баламалы және жаңартылатын энергия көздерінің төмен үлесі, баламалы энергия көздерін дамыту үшін қолайлы жағдайлардың болмауы, сондай-ақ мемлекеттік деңгейде баламалы энергия көздерін пайдалана отырып, қызметті дамытуды заңнамалық реттеудің болмауы сияқты елдегі бірқатар проблемалар көрсетілген.
Осыған байланысты баламалы энергия көздерін пайдалану саласындағы мемлекеттік реттеуді көздейтін заң жобасын әзірлеу ұсынылады. АЭС құрылысы мақұлданған жағдайда заңнамада атом энергиясын баламалы энергия көзі ретінде айқындау да жазылатын болады.
Мақұлданған жағдайда құжат 2035 жылға дейін АЭС салуды көздейді, оған 10-12 млрд доллар бөлінеді. 2029-2030 жылдарға дейін сутегі хабтарын/сутегі өндіретін зауыттарды салу көзделеді, оған мемлекеттік бюджеттен шығын талап етілмейді.
Жаңа салаға 2040 жылға қарай 5 трлн теңгеге дейін инвестиция тартылады деп күтілуде.
