Қазақстанның тоғыз азаматы Италияда орын алған жол-көлік оқиғасында жарақат алды, деп хабарлайды Zakon.kz ҚР СІМ-не сілтеме жасап.
Жарақат алғандардың бесеуі ауруханаға жатқызылды. Тағы төртеуі дәрігердің қарауынан кейін ауруханадан шығарылды. Олар отельде орналастырылады.
Ауруханаға жатқызылғандардың ішінде омыртқасы, жамбасы мен қабырғасы сынғандар бар. Дәрігерлер жақын арада оларды толық тексеруден өткізіп, ары қарай емдеу бойынша кеңестерін береді.
Отандастарының басы-қасында қазақстандық дипломат жүр, ол қажетті көмектің бәрін жасауда. Жарақат алған азаматтардың туысқандарына хабар берілді.
Қазақстандағы Италия елшілігімен байланысу үшін +390636301130 телефон нөміріне хабарласуға болады.
