Алматы тұрғындары жер сілкінісін сезді, — деп хабарлайды Tengrinews.kz тілшісі қалалық ТЖД баспасөз қызметіне сілтеме жасап.
«15:06-да Алматыда жер сілкінісі тіркелді. Эпицентрі мен магнитудасы анықталып жатыр», — деді ведомство өкілдері. Жер сілкінісі «ҚР БҒМ ҒК СТӘЭ» ММ сейсмикалық стансиялар желісімен тіркелгені айтылады. «Жер сілкінісі эпицентрі Қазақстан аумағында Алматыдан солтүстікке қарай 5 шақырым жерде орналасқан. Жер сілкінісінің энергетикалық классы — 8,5. MPV — 3,7 Магнитуда. Тереңдігі — 15 шақырым. Сезілуі туралы мәліметтер: 2-3 балл», — делінген some.kz сайтында.
