Солтүстік Қазақстан және Жамбыл облыстарында коронавирус жұқтырған науқастар анықталды, деп хабарлайды Tengrinews.kz тілшісі денсаулық сақтау министрлігінің баспасөз қызметіне сілтеме жасап.
Елімізде қауіпті індетті жұқтырғандардың саны 72-ге жетті.
«Қазақстандағы коронавирус бойынша 24 наурыздағы 23:20 сағ. жағдай. Коронавирус індетін жұқтырған тағы 2 адам тіркелді. Осы сағатта Нұр-Сұлтан қаласы бойынша 36 адам, Алматы қаласында – 29 адам, Қарағанды қаласында – 2 адам, Алматы облысында – 1 адам, Ақтөбе облысында – 1 адам, Шымкент қаласында – 1 адам, Жамбыл облысында -1 адам, Солтүстік Қазақстан облысында – 1 адам, жалпы 72 науқас тіркелді», – делінген хабарламада.
