Өмірзақ Шөкеев Үкімет басшысына бірқатар өтінішін айтты. Соның ішінде, ол қол астындағы қызметкерлерінің жалақы мәселесіне алаңдап отырғанын мәлімдеді деп хабарлайды өңірдегі KAZ.NUR.KZ тілшісі.
Асқар Маминнің Түркістан облысына жасаған сапары қаланы дамытуға бағытталған жиынмен жалғасты. Жиында облыс басшысы алда атқарылатын жұмыстар жоспары туралы кеңінен мағлұмат берді. Сондай-ақ, құрылысы жүріп жатқан бірқатар нысандардың қазіргі жұмыс барысы туралы да сөз етті.
Баяндама соңында Өмірзақ Шөкеев Маминге бірқатар мәселелерді шешіп беруді сұрады. Атап айтқанда, Әзірет Сұлтан мұражай-қорығының құрылыс салуды реттеу үшін ЮНЕСКО ұйымының келісімін алу жайты кешеуілдеп отыр екен.
Сонымен қатар, Өмірзақ Шөкеев өңірді қажетті инфрақұрылыммен қамтамасыз ету үшін республикалық бюджеттен 9 млрд теңге сұрады. Облыс басшысы мемлекеттік қызметкерлердің жалақасына факторлық-балдық шкала енгізілсе деген өтінішін айтты.
