Home Жаңалықтар Нұр-Сұлтанда болған жол апатынан зардап шеккен әйел аяғынан айырылды – Ел жаңалықтары

Нұр-Сұлтанда болған жол апатынан зардап шеккен әйел аяғынан айырылды – Ел жаңалықтары

41

Нұр-Сұлтан әкімі Бақыт Сұлтанов пен денсаулық сақтау министрі Елжан Біртанов жол апатынан зардап шеккендерге барып қайтты, – деп хабарлайды Tengrinews.kz тілшісі әкімдіктің сайтына сілтеме жасап.

Әкім мен министр қалалық № 2 көпсалалы ауруханаға барды.

Клиниканың бас дәрігері Иван Лидің айтуынша, қазіргі уақытта стационарда зардап шеккен 13 адам жатыр. Олардың сегізінің жағдайы – орташа ауыр. Барлығы травматология бөлімінде жатыр, екі адам кеуде бөлігінің хирургиясы бөлімінде жатыр. Тағы үшеуі жансақтау бөлімінде.


© astana.gov.kz

«Кеше бес ота жасадық. Өте күрделі оталар жасалды: ішіне қан кетуді тоқтаттық, біреуінің аяғын кесіп тастадық. Өкінішке қарай, зардап шеккен әйелдің аяғын аман алып қалу мүмкін болмады», – деді Ли.

Дәрігер кейбір науқастардың әлі ұзақ уақыт ем алатынын айтты. Бірақ кейбіреулері 7-10 күннен кейін ауруханадан шығарылады екен.

Еске салайық, кеше, 26 наурызда Қабанбай даңғылы мен Ұлы Дала көшесі қиылысқан тұста жол-көлік оқиғасы бодды. Онда үш автобус пен жеңіл автокөліктер соқтығысқан. Қала маңынан жүретін № 303 автобус №12 бағыттағы қоғамдық көлікті соққан. Кейінірек № 53 автобусқа және жедел жәрдем каретасына соқтығысқан.

«Күшті соққының даусы естілді». Куәгерлер Нұр-Сұлтанда болған апат жайлы айтып берді



[ad_2]

Дереккөз: kaz.tengrinews.kz

Алдыңғы жазбаАлматы облысында шіркеу дүкенін тонаған ер адам ұсталды – Қылмыс
Келесі жазбаКейбір тәжірибелі кардиологтардың өзі нақты диагноз қоя алмайды – Профессор – Ел жаңалықтары