Нұр-Сұлтанда №300 автобус Subaru маркалы автокөлікпен соқтығысты. Бұл туралы «Астана LRT» баспасөз қызметі мәлім етті, – деп хабарлайды Tengrinews.kz тілшісі.
«№300 автобус Қорғалжын жолымен қалаға қарай бет алған. Жолда жеңіл автокөлік автобустың алдына шығып, күтпеген жерде тоқтай қалған. Салдарынан автобус жүргізушісі жеңіл автокөліктің артқы бөлігін соқты», – деп хабарлады «Астана LRT» өкілдері.
Жол апатынан ешкім зардап шеккен жоқ.
Автобус жүргізушісіне қатысты әкімшілік хаттама толтырылды. Басшылық шешімімен ол жұмыстан шеттетіліп, Біліктілік орталығына қайта білім алуға жіберіледі. Ол № 1 автопаркта 10 жыл бойы жұмыс істеп келеді. Жүргізуші ретінде 13 жыл тәжірибесі бар.
[ad_2]
Дереккөз: kaz.tengrinews.kz
