Бұрынғы сыртқы істер министрі Қайрат Әбдірахманов дипломатиялық қызметте қала береді. Бұл туралы СІМ жаңа басшысы Бейбіт Атамқұлов Сенат отырсының кулуарында мәлімдеді, – деп хабарлайды Tengrinews.kz тілшісі.
«Қайрат Құдайбергенұлы дипломатиялық жұмыста қалуды шешті. Таяуда оның бір елге тағайындалуын күтіп отырмыз», – деді Атамқұлов.
Еске салайық, 2018 жылы 26 желтоқсанда сыртқы істер министрі болып Бейбіт Атамқұлов тағайындалды. Оған дейін 2016 жылдан бастап Қайрат Әбдірахманов осы қызметте болған еді.
Атамқұлов күтпеген тағайындау болғанын айтты
Дереккөз: kaz.tengrinews.kz
