Ақтауда дәрігерлер инсульт алған сәбидің өмірін аман алып қалды, – деп хабарлайды «Лада».
Маңғыстау облыстық Денсаулық сақтау басқармасының баспасөз хатшысы Азамат Сәрсенбаевтың айтуынша, сәби балалар ауруханасына өте ауыр жағдайда түскен. Балаға алған инсультынан мидағы қан айналымы бұзылған және ауыр деңгейдегі қаназдық деген диагноз қойылған.
«Операция бір сағатқа созылды. Отаны балалар нейрохирургы Ербол Кенжевалов жасады. Дәрігердің айтуынша, операция сәтті өтті, бірақ ол күрделі саналады, қазіргі уақытта бала оянып, еміп жатыр», – деп хабарлады Сәрсенбаев.
Дереккөз: https://kaz.tengrinews.kz
