Әскер сілтесең сойыл, қорғансаң қалқан екені әлімсақтан белгілі һәм елмен жердің тұтастығының, тыныштығының кепілі. Әсіресе, қазіргі геосаясат ушығып, жер-жерде жанжал ошағы қауалап өсіп келе жатқан кезде, қарулы – күштерге баса назар аударуды қажет етеді.
Кеше ғана президент Қорғаныс министрі Руслан Жақсылықовты доғарысқа жіберіп, оның орнына Қорғаныс Министрінің орынбасары болып келген, Дәурен Қосановты тағайындады. Қосанов әскери ұшқыш. Демек, әуе қорғаныс саласын жетік білуге тиіс. Қазіргі күні әуе күштері, әуе қорғаныс саласы мықты болуы керек екенін, Әзірбайжан мен Армения арасындағы Таулы Қарабаққа байланысты соғыс және қазір жүріп жатқан Ресей –Украина қақтығысы дәделдеп берді. Әсіресе ұшқыссыз дрондардың маңыздылығы артты. Демек, қарулы күштердің тізгін қолға алған министр осы салаға ерекше көңіл бөлуі тиіс деп ойлаймын. Бұдан тыс алыстан ұратын баллистикалық және қанатты зымырандарды шығаруды қолға алса жөн болар еді. Дрон мен зымырандарды шығаруда тәжірибесі бар, бауырлас Түркиямен бірлескен кәсіпорындар құрғаны жөн. Сондай-ақ соғыста аса маңызды рөл атқаратын артиллерия мен әскери ұшақтар паркін жаңартқан дұрыс. Қазақстандағы «ең жаңа» дейтін ресейлік Су 30СМ ұшақтарының өзі өткен ғасырдың 90 –шы жылдары шыға бастаған. Демек, бұл ешқандай жаңа ұшаққа жатпасы анық. Ал, Миг -29, СУ – 27, МиГ – 31 жөнінде айтудың өзі қажеті шамалы. Қазақстанға көкте жасында жарқылдайтын заманауи ұшақтар мен тік ұшақтар керек-ақ. Сондай-ақ, «Соғыс құдайы» атанған артиллерия паркін жаңартуда заман талабы. Қазір баяғыдай сүйретпелі зеңбіректердің заманы өткен. Қазақстанға 300 шақырымнан қағып түсіретін «Хаймарс» секілді түйдекте ататын һәм көлікке орнатылған қондырғылар қажет. Бүкіл оқ-дәріні өздері шығаратын Әзірбайжан секілді бізде өзге елдерге тәуелділіктен құтылу үшін, қару-жарақ пен оқ-дәрі өндіретін қорғаныс өнеркәсіп кешендерін көптеп ашу керек-ақ. Қазіргі әлемде қалыптасқан қиын жағдайды таразыға тарта отырып, жаңадан тағайындалған Қорғаныс министрі Қарулы күштер саласында тың реформалар жасауға тиіс деп ойлаймын.
Азаматхан ӘМІРТАЙ
