Путен о кезде жап – жас ресейбасы, тағына енді орнығып жатса керек.
Әлиев оған әкелік мейіріммен қарап барынша оған жақын болуға тырысыпты.
Ресми сапармен еліне қонаққа шақырыпты.
Путен оны құп алып бірде Бакуге қонаққа келіпті.
Келіп Хейдар екеуі әзірбайжан – ресей біріккен оқу орынын ашып кездесуде сөз сөйлеп путекең қолын қойнына салып қойын қалтасынан бір зат алып оны Хейдарға сыйлық қылып ұсыныпты.
Ол не сыйлық дерсіз, ол төлқұжат екен.
Хейдар кезінде атақты КГБ генералдарының бірі болған адам. Ондай адамның артында былығы да көп болады емес пе..
Ол баяғыда, дәлірек айтсақ 40 жылдары Ленинградта КГБ арнайы мектебін бітірген қатып қалған кәнігі чекист болатын.
Путен КГБ архивынан оның сол аттестатын сұратып алыпты.
Хейдар Әлиев путен ұсынған өз КГБ құжатын көрген бетте қалшиып қатып түрі сұп – сұр боп кеткен екен. Марқұм сол жерде мелшигеннен ақыры ләм – мим деп жұмған ауызын ашпай кетіпті.
Путен осы қылығымен оған «көке, біз сен туралы бәрін білеміз, бізде бәрі бар.. нетпесей.. неғыласың» деп ымдағандай бопты…
Әйткенмен Әлиев тісқаққан қу немесе алысты көретін дана басшы еді. Ұрпақ буыны ауыспай тарих сахнасына жаңа адамдар келмей елінің өзгермейтіндігін түсінген екен. Өзі орысшыл болғанымен ұлы Илхамды Түркиеде оқытты, түркішіл қылып өсірді. Ал ол өз кезегінде өз ұпайын түгендеп алған соң іргесін Ресейден аулақ салды.
Жалпы мемлекеттің сыртқы стратегиясы деген нәрсе кейде осындай жекелеген адамдардың қолымен осылай ұзақ уақытқа арнап жасалады.
Көпті көрген үлкен Әлиевтің путен туралы өз ұлына не деп сыбырлап кеткенін кім білген әйтеуір бүгінгі Әзірбайжан одақтастарына сүйене отырып Ресеймен біраз нәрсенің басын ашып алды.
Түркие келіп орысты қуып шығып Кафказияға орнықты. Әрменидегі орыстың Гюмри әскери базасындағы жағдайды мен қазір жақсы түсініп отырмын. Сіз құдалыққа барып бірақ құдай ұрып сол жердегі айттыратын қызыңыздың бөгде жігітпен болып жатқан тойына түссеңіз, қандай күйде болар едіңіз. Орыстың Гюмри базасы да қазір дәл сондай бейшара күйде отыр.
Қасына АҚШ келмек, Зангезур дәлізін ашқалы отыр.
Түркие жүр, Қытайдың мүддесі келді. (Ұлы жібек жолы әуел бастан Қытайдың жобасы болатын) Яғни бұрын Иранмен орыс беймарал бөліскен алаңға қазір асау әрі ірі ойыншылар қаптап келіп қосын тігіп жатыр.
Бұл аймақта қазір бұрыңғылар ығысты, жаңалар өз заңын орнатуда.
Ердоған орысты Сириядан да қуып шықты.
Оны да көз көрді.
Жалпы, Кафказиямен Сирия таза Ердоғанның еңбегі еді, әділдігін айталық. Ол бұл жерде біраз нәрсені өз одақтасы АҚШ тың ауызына шайнап салып берді.
Ұзын сөздің қысқасы, бұл жерде ойын қызып жатыр, бақылаудамыз.
Олжас ӘБІЛ ФБ парақшанан
