Respublica партиясы «Байтақ» жасылдар партиясын парламентке өткізбеу үшін құрылған партия екені әу бастан-ақ белгілі болған. Байшыкештерден тұратын бұл партия еліміздің саяси сахнасында кенеттен пайда болды.
Өйткені «Байтақ» партия болып заңды тіркелгенге дейін 18 рет құжат өткізді. Он сегіз рет Әділет министрлігі түрлі сылтау айтып құжатты кері қайтарды. Бірақ тіркемеске амалы қалмады. Өйткені «Байтақ» қозғалыс болып құрылғалы бері, еліміздің, жеріміздің табиғатын аялаумен келді. Қоршаған ортаны қорғау, бүлінген экологияны қалпына келтіру үшін үлкен жұмыстар атқарды. Бәріде көзге көрініп тұр. Екіншіден «Байтақ» өзге елдердегі жасылдар партиясымен ынтымақ орната бастады. Осының бәрін електен өткізген министрлік амалсыз «Байтақты» заңды түрде тіркеуге мәжбүр болды. Алайда жасылдар күш алып кетуі мүмкн деп ойлады ма, билік жедел түрде бір топ кәсіпкерлерден тұратын Respublica деген партияны дүниеге әкелді. Әрине бізге бәсеке ретінде. Өйткені биліктің сөзін сөйлейтін, «Аманаттың» көлеңкесі іспетті партия керек болды. Себеб і бұлар билікке оппозиция болмайды. Қарсы сөз айтпайды. Жоғары не деді соны бас шұлғып орындай бермек. Міне, Respublica осылай пайда болған. Бізді сайлауда кері ысырып тастаған билік, оларды парламентке өткізді. Бірақ содан бері бір жылға тақау уақыт өтті. Respublica не бітірді? Ешкім білмейді. Тіпті депутаттарында ешкім танымайды. Жарайда бұл басқа әңгіме. Ендігісі мынау. Осы партияның тізімімен Мәжіліске депутат болған Динара Шүкіжанова ҚР Парламенті Мәжілісінен кетіп жатыр екен. Ресми ақпарат мынадай: «Орталық сайлау комиссиясы ҚАУЛЫ ЕТЕДІ:
- Қазақстан Республикасы Парламенті Мәжілісінің депутаты Динара Аманжелқызы Шүкіжанованың өтініш беруіне байланысты оның өкілеттігін мерзімінен бұрын тоқтатуға әкелетін негіз туындады деп белгіленсін.
- Қазақстан Республикасы Парламенті Мәжілісінің депутаты Д.А. Шүкіжанованың өкілеттігін мерзімінен бұрын тоқтату туралы ұсыным Қазақстан Республикасы Парламентінің Мәжілісіне енгізілсін».
Депутаттың кетуіне не себеп болды. Ұзын құлақтан естуіміз ше, Динара Шүкіжанова депутаттық мандатын лактырып, партбилетін жыртып тастаған көрінеді. Не себеп, әзірге белгісіз. Кеше келіп, бүгін кететін болса, онда неге депутат болуға ниет білдірді. Депутат кезінде не істеді, не қойды? Бір құдаймен, өзіне ғана аян шығар. Ал жұрт Шүкіжанова депутат болып не қатырғанын естіп, көрмепті. Міне, билік үкілеп құрған партияның депутаты осы. Өкініштісі, олардың орнына, ең құрмағанда «Байтақтан» бірер адам парламентке барғанда, біраз іс тындырар еді-ау. Өйткені еліміздің экологиясы бұзылып, табиғат тозып, ішер сумен, жұтар ауа бұзылып жатқан кезде, байтақтықтар осы мәселенің бәрін жоғары мінберден көтеріп, біраз тірлік жасап, алдын алуға тырысар еді. Амал қанша, билік қоршаған ортаны қорғап жүрген жасылдарды емес, байшыкештерден құралған партияны қалады. Ал, олардың депутатарының тірлігі мынау. Мандатты лақтырып, партбилетті жырту. Депутатықтан бас тарту. Өте өкінішті.
Әзімбай Жақыпұлы «Байтақ» жасылдар партиясының мүшесі
