2016 жылдан бастап Әлия Назарбаеваға тиесілі компанияның үш басшысы ірі көлемде бюджет қаражатын жымқырған, деп хабарлады соттың баспасөз қызметі.
Келтірілген шығын көлемі — 26,8 млрд теңге.
Ал экология вице-министрі Пірімқұлов заңсыз бұйрықтарға қол қойған. Соның салдарынан ол мемлекетке шамамен 325 миллион теңге шығын келтірді. Сондай-ақ, «РОП Оператор» басшылары Пірімқұловтың көмегімен тағы 180 млн теңге жымқыруды жоспарлаған.
Құжат бойынша компания құрылтайшысы М. (Шнар Мұқтарова — Назарбаеваның хатшысы, ол қазір іздеуге берілген – Ред.) дивиденд аламыз деген желеумен 920 млн теңге бюджет қаражатын жымқырған.
Сот үкімімен 2016-2019 жылдар аралығында компания директоры Светлана Коротенко мен 2019-2022 жылдары компанияға басшылық еткен Медет Құмарғалиев 7 жылға сотталды.
Экология вице-министрі Ахметжан Пірімқұлов та 7 жылға бас бостандығынан айырылды.
Қаржы директоры Рустам Темірбек 2 жылға сотталды.
