Тәуелсіздікке ұмтылған Тайвань соғыс жүргізуді қалап отырған жоқ. Ал Си Цзиньпин Тайваньның тәуелсіз болуына жол бермеу үшін соғыс ашуға дайын.
Тайваньның Пекинге мойынұсынғысы жоқ. 13 қаңтарда 20 млн тайваньдықтар ел президенті мен парламентін сайламақшы.
Соңғы зерттеулерге қарағанда, президенттікке таласта елдегі басқарушы Демократиялық прогрессивтік партияның (ДПП) вице-президенті Лай Цзин-тэ өзінің басты қарсыласы оппозиция өкілі гоминьдандық Хоу Ю-ден 11% басымдыққа ие. Тайвань халық партиясы атынан додаға түскен үшінші кандидат Ко Вэнь-дже бәсеге түсе алмайтын сынды.
Өзін «Тайвань тәуелсіздігінің саяси қайраткері» атаған Лай Тайваньді қазірдің өзінде де-факто тәуелсіз мемлекет санап, тәуелсізддікті жариялаудың қажеті жоқ деп шешіпті. Ал «бір Қытай ережесін» мойындайтын Юй ҚХР-ге қосылуды емес, кең автономияның сақталуын талап етуде.
ҚХР президенті Си Цзиньпин өзінің жаңажылдық құттықттауында Тайвань «түбінде Қытайға қосылады» деп мәлімдеді.
Батыс сарапшыларының айтуынша, егер ДПП президенттікке және парламенттегі көпшілікке қол жеткізетін болса, ҚХР мен Тайвань арасындағы шиеленіс сақталып, ҚХР мен АҚШ қарым-қатынастың бұзылуы ғажап емес.
Global Guardian қақтығыс терезесі 2028 жылға дейін ашық деген пікірде. Басылым сарапшыларының пайымдауынша, Қытай «Украинадағы соғыстың АҚШ-тың әскери арсеналына қандай салмақ салып отырғанын және олардың Қытаймен текетіресте қаншалықты «қорқақтық» танытатынын мұқият бақылап отыр».
Ал бұл қақтығыстың дипломатиялық жолмен шешілу ықтималдығын сарапшылар 5% ғана бағалайды.
