Home Жаңалықтар Коронавирус тағы бес елде анықталды

Коронавирус тағы бес елде анықталды

112

Коронавирустан қайтыс болғандардың саны 2900 адамнан асты, – деп хабарлайды РИА Новости.

ҚХР Денсаулық сақтау мәселелері бойынша мемлекеттік комитеттің мәліметінше, коронавирустан қайтыс болған адамдардың саны – 2912, 44 462 адам вирустан айығып, ауруханадан шығарылған.

Сондай-ақ, билік өкілдері қазіргі уақытта әлем бойынша коронавирусты 32 652 адам жұқтырғанын мәлімдеді.

Дүниежүзілік денсаулық сақтау ұйымы соңғы тәулікте Қытайдан тыс аумақта 1160 адамның коронавирус жұқтырғанын анықтады. Ұйымның хабарламасында Қытайдан басқа тағы 58 елде вирус бар екені айтылады.

Соңғы деректер бойынша тағы бес елде коронавирус анықталып отыр – Әзербайжан, Эквадор, Ирландия, Монако және Катар. Еске салайық, Қытай билігі 2019 жылы 31 желтоқсанда Дүниежүзілік денсаулық сақтау ұйымына Ухан қаласында белгісіз вирустың тарай бастағанын хабарлаған еді. Мамандар Ухан қаласындағы теңіз өнімдері базарынан алынған сынамаларды зерттеп, вирустың қайнаркөзі сол базарда сатылған жабайы жануарлар болғанын анықтаған.

Алдыңғы жазбаБалаларыңыз қазақ тілін үйренуі керек – Тоқаев дүңген диаспорасына
Келесі жазбаЭль-класико: «Реал» «Барселонаны» жеңіп, көш басына шықты