«Ұлытау облысының әкімі Берік Әбдіғалидың басына қара бұлт үйіріле бастады» деген алып – қашпа әңгіме әлеуметтік желі беттерінде бүгін пайда болды. Неге? Расында солай ма? Әзірге белгісіз. Нақты ештеңе жоқ.
Дегенмен «жел соқпаса шөптің басы қимылдаймайды» демекші, жел сөздің өзегінде бір сыр жатқаны белгілі. Берік Әбдіғали кім еді? Ең бастысы ол тарихшы. Қазақ руханиятына өзіндік үлес қоса білген азамат. Тарихтың білгірі. Әсіресе алаш әскері жайлы ізденгендері бір төбе.
Ал саяси карьерасына келетін болсақ, біраз жерде басшылық қызмет атқарды. Нақтыласақ, Парламенті мәжілісі VI шақырылымының депутаты болды. Өзге қызметтерін былай қойғанда, кезінде Қарағандыға қарап тұрған Ұлытау ауданының әкімі, Арқалық қаласының әкімі, Жезқазған қаласының әкімі болды. Билік баспалдағының «дәмін» татқан азамат. 2022 жылдан бастап жаңадан құрылған Ұлытау облысының әкімі.
Әлеуметтік желі беттерінде пікір білдіріп жатқандардың ойлары әр түрлі. Бірі «ол әлсіз әкім. Өз руханиятына барсын. Әкім болу үшін іскерлік қажет» десе, қайсы бірі « Әбдіғалиға уақыт беру керек, кеше ғана құрылған облысты көтеру оңай емес» деп ара түсіп жатқандарда бар. Бәз біреулер «Берік әкімдікті тастап, руханият саласына барғаны жөн-ау. Оның орны сол. Елдің мәдениетін, руханиятын, тарихын көтеруге әлдеқайда көбірек еңбек сіңірер еді» деседі. «Ол Ұлытау облысында орыс мектептерін жапты. Бұл биліккке де, тіпті көрші Ресейгеде ұнамайды. Сондықтан оны алып тастауы мүмкін» дейді келесі бірі.
Кім не деседе, әзірге билік тарапынан Берік Әбдіғалиұлына үлкен сын айтылғанын көрген жоқпыз. Бәлкім бұл ұлтын сүйетін, қазақы мінезді әкімді бір «түрпектеп» алу үшін жасалған бәз біреулердің ел арасына таратқан қаңқу әңгімесі ме? Бәлкім оның орны біреуге керек болып жатуыда бек мүмкін. Еш нәрсені жоққа шығаруға болмайды.
