Ерке Есмаханның 2017 жылы жарыққа шығарған «Қайда» атты бейнебаяны 95 миллион қаралым жинаған. Клипінің 100 миллионға жуық тамашаланғанын айтқан әнші Insta-stories-тетыңдармандарына алғыс білдірді деп жазады KAZ.NUR.KZ.
Әнші ашық-шашық бейнебаян түсірмей-ақ миллиондап көрсетілім жинағанын мақтаныш еткен.
«Шешінбей-ақ осындаймын. Шешінсем не болады? Тыңдармандарым менің, жақсы көремін сіздерді! Рахмет сіздерге«, – деп жазды әнші.
Айта кетейік, Ерке Есмаханның «Қайда» бейнебаяны 2017 жылдың маусымында жариялаған. Қазіргі уақытта клиптің қаралымы 95 миллион 550 мыңға жеткен.
Сондай-ақ әншінің биылғы жылдың мамырында жарық көрген «1001 түн» атты бейнебаянын аз уақытта 5 миллион адам қараған.
Естеріңізге сала кетейік, «1001 түн» әні Атырауда ерлікпен қаза тапқан 24 жастағы полицейге арналған.
Ер адам суға кетпек болған жанды құтқару кезінде қайтыс болған.
