Әлбетте, Батыс аймақта өндірілген мұнайдың 80 пайызы Каспий мұнай концерсумы арқылы тасымалданатыны белгілі. Кешелі бері құбыр жұмыс жасауын тоқтатты. Оған себеп, Ресей өз порттарына енетін шететдік танкерлерге енді гәрі тек ФСБ- ның рұқсаты керек деген жаңа ереже енгізді.
Бұл Каспий мұнай концерсумы құбырлары арқылы тасымалданып, Ресейдің Новороссийск қаласындағы терминалда жинақталып, одан әрі танкерлерге тиеліп, Еуропа асатын қазақ мұнайына соқы болып тиді. Былтыр яғни 2024 жылы Қазақстанның экспортқа шығарған 68 миллион тонна мұнайының 55 миллион тоннасы осы құбыр арқылы тасымалданған. Бұл құбырдың тоқтауы ел қазынасы тек осы мұнайдан түскен пайдадан құралатын Қазақстан үшін үлкен соққы. Үлкен экономикалық күйзеліске алып келері хақ. Мұнай құбырын түрлі сылтаумен тоқтатып тастау Ресей тарапынан бұған дейінде бірнеше мәрте болған. Әрине, ол кезде де ондаған, жүздеген миллион долларды жоғалтқанымыз белгілі. Ал, мынасы тым сорақы деуге болады. Кейбір деректер, Ресей мұны Еуроодақтың жаңа санкциясына байланысты қабылдады деп түсіндіруге тырысып жатыр. Өйткені Chevron және ExxonMobil сияқты АҚШ компанияларының Қазақстанда өндірілген мұнайы осы құбыр арқылы сыртқа шағарылатын. Ал, кейбір деректер «Ресей осындай қитұртқы әрекеттері яғни қысым жасау арқылы Қазақстанды тезге салмақ. Өйткені Қазақстан соңғы кезде Ресейден гөрі, Батыстың сөзін сөйлей бастады. Тіпті Ресейді айналып өтетін мұнай тасымал жолдарында қарастырып жатыр. Бұл соған арналған Ресейдің қарымтасы» дегенді айтады. Мүмкін. Қалай десекте, Ресей тарапынан енгізілген ереже қазақ мұнайының аяғына салынған тұсаумен тең. Ұтыларымыз көп. Ал, ресми Астана әзірге бұл мәселе жөнінде үнсіздік танытуда.
