Қазақстанның бірінші ракеткасы Елена Рыбакина Брисбендегі (Аустралия) WTA 500 турнирінің финалында белоруссиялық спортшы Арина Соболенконы (2-орын) ұтты.
Бірінші сет 6:0 есебімен аяқталып, 25 минутқа созылды. Екінші сет нәтижесі – 6:3. Брисбендегі турнирде Рыбакина қарсыластарына 15 гейм ғана берді.
Қазақстан теннисшісі жартылай финалда чехиялық Линда Носкованы 6:3, 6:2 есебімен ұтты. Қарсыласу 65 минутқа созылды.
Арина Соболенка финалға жолдамамен отандасы Виктория Азаренконы 6:2, 6:4 есебімен ұтты. Қарсыластар кортта 1 сағат 29 минут өткізді.
