Қоймадыңдар ғой! Егер Лопес дәл Абайдың 180 жылдық мерейтойы ресми басталған 1 тамыз күні Астанада концерт беріп, дәл Абайдың юбилейі мәресіне жететін 10 тамыз күні Алматыда концертін тәмамдамағанда мен бұл шараға ештеңе демес едім.
Бірақ олай болмай тұр ғой. Қырсық шалғандай, Лопес дәл осы күндері Астана мен Алматыда концерт беруде. Бұл дегеніңіз Абайдың 180 жылдығы айдалада, Лопестің к*тінің тасасында қалып қойды деген сөз.
Осыған бір-ақ мысал айтайын, үш күн бұрын ғана яғни 31 шілде күні, осында «Абай тойына шақырылмағандар мен шақырылғандардың арасында қып-қызыл дау боп жатқан еді. Ертеңіне ақпараттық кеңістікке Лопестің дәу көтені шықты да, даугерлердің үні сол сәтінде-ақ шықпай қалды. Өйткені Лопестің атағы зор болғандықтан ақпараттық қуаты да жойқын – Тынық мұхитында болатын тоғыз болдық цунамиге тең алапат күшке ие информациялық тасқын ғой, астында қалған дауласушылар бірден жансауғалауға көшіп, кілт үнсіз қалды. Міне бүгін Абай тойы басталғалы үшінші күн, айтыңыздаршы, 180-ге келіп жатқан қазақтың бас ақыны туралы жылт еткен жарты жол ақпарат бар ма, барлық БАҚ мен күллі әлеужелі біткен Лопестің к*тінің айналасында бөрінің көтіндей шуласуда. Бұл деген Үкімет бекіткен Абайдың ресми тойы Лопестің бөксесі тудырған алапат ақпарат тасқынының астында қалды деген сөз!
Менің Лопесте, оның табынушыларында шаруам жоқ, маған десеңіздер, Лопесті бір жыл жібермей, еліміздегі 17 облыс, 130 ауданды мыңдаған ауыл, қыстағымен түгел аралатып жүріп концерт қойғызыңыздар! Тіпті Лопеске Астана мен Алматыдан қос-қос котеджден алып беріп, оған өздеріңіз едені мен кірін жуатын күтуші, тамағын пісіріп, дүкеніне барып ас-суын әкеп беріп тұратын малайы болып кіріп алыңыздар! Жұмысым жоқ! Болмаса Атыраудан мұнай вышкаларын сыйлап, Қазақстан азаматтығын беріңіздер! Ісім жоқ!
Бірақ Лопестің мына келісіне, бұл келісін келістіре ұйымдастырушы – билікте ісім бар!
Өйткені біздің ұлтсыздандырылған яғни денационализацияланған билік Лопестің концертін Абай тойы өтетін күндерге қасақана қойып, әдейі істеп отыр және осыны істеп отырғанның ішінде бір орыс жоқ, бәрін өз қазағыңның баласы істетіп отыр. Сондағы көздегендері – Абай мерейтойын маңызынан айыру, оның рухани сипатын жою. Осылайша Абайдың халық алдындағы биік тұлғасын төмендету арқылы ұлы ойшыл мұрасын десакрализация жасау. Қысқасы, қазақ халқының алдында ұлттың Бас ақынын, ұлы ойшылын никто қылу!
Жаңа айттым, Лопес жойқын ақпараттық қаруға ие, былайша айтқанда ол информациялық зор құйын – Торнада ортасында ойнақ салған Дүлей Жын іспетті. Ал енді осыған Лопес қаруланған ақпараттық т.б. соңғы технологиялармен қаруланбаған кәрі аруақ – Абай атаң қарсы тұра ала ма? Әрине, жоқ! Қарсы тұрар еді, өзі жырлаған, сол қараңғы халқына сәуле көрсетемін деп, осы мехнатты жолда жүрегіне дерт жамап құсадан өлген «қалың елі қазағы’ Лопестің бір бұлғаң еткізген бөксесіне сатып кетпесе! Масқара болғанда, күллі мемлекеттік БАҚ, барлық блогер біткен Лопес жағына шықты емес пе! Ең сұмдығы Абай тойы өтуі тиіс Қазақстан Мемлекетінің Ел Ордасы – Астана қаласы Лопес жасаған ЖЫНОЙНАҚҚА беріліп, Абай сорлы Бас қалаға кіре алмай, сол өзі туған Қасқабұлақ пен өзі дүниеден өткен Жидебайдың арасында жалғыз қалып қойды емес пе?
Бұдан кейін Лопес жеңбегенде, Лопесті улап-шулап қолдап жатқан тобыр жеңбегенде – Абай мен Абайды қолдаушы азғантай ғана, ат төбеліндей халық жеңе ме? Әрине, тобыр жеңеді, сол тобырды әдейі жөнге салмай, халық пен оның бас көтерлеріне қасақана айдап салып отырған «бас-басына би болған өңкей қиқым» жеңеді. Өйткені тобыр мен билік бірауыз болып алған, бірігіп алып халық пен оның баскөтерлерлерінің сағын сындыруда. Осы жолы олардың құдайы берді, өйткені бұл жолы олар Лопестің табанына салып беру арқылы Абайдан өшін оңай алды. Өшін алғанының белгісі – Лопестің көтенін көріп көзі қызарып алған тобыр «Лопес, Лопес!» деп ұрандауда. Ал Абай жайлы бір ауыз сөз жоқ. Мұның бәрін реттейтін, Лопес жайлы информациялық тасқынның алдын алып, Абай туралы ақпаратты алдыға шығаруға тікелей жауапты МәдАқ министрі Аида Балаева көз алдында болып жатқан ақпараттық диверсияға «Шоқ-шоқ!» де қойып, айызы қана, рахаттана қарап отыр. Өйткені Абай тойын жоққа шығаруға арналған Лопес концерті – МәдАқ министрлігінің жобасы емес пе? Қуанбай қайтсін, шаттанбай қайтсін, көздегені орындалды, ойлағаны жүзеге асты – Абайды Лопестің астына салып берді. Тобыр дүрлігуде, Абай тойы – Лопес келіп дүрліктірген тобыр үнінің астында көміліп қалды.Шулаңдар, тобырым! Жемқорларым, обырым, сендер де шулаңдар! Абайсыз ел – арсыз ел, мұндай елді билеу оңай ғой сендерге!
Өйткені Ұлтсыздандыру ұранымен қаруланған сұм билік – сендер халықты рухани қорегінен осындай жымысқы жобалар арқылы айырып жатсыңдар! Естеріңізде болса, Ұлт ұстазы Ахмет Байтұрсыновтың мерейтойын өткіздірмес үшін оның туған жеріне қасақана өрт қойып, орман-тоғайын күйдірдіңдер. Сөйтіп Ұлт ұстазының мерейтойы өтпей қалды. Өртенген орман өртенді, бірақ саңғырлап Астана тұрған жоқ па, оның анау кеше Лопес келіп концерт қойған 25 мың адамдық стадионы мен 3 мың, 5 мың адамдық Пирамида сияқты алып залдарына сиыр қамайсыңдар ма, халқымыздың ұлы перзенттерінің мерейтойларын Астананың өзінде, Президент пен Үкімет, Министрлер кабинеті, Сенат пен Парламент депутаттарының қатысуымен неге өткізбейсіңдер! Жоқ! Өткізбейсіңдер!
Өйткені бізде билік бір бөлек, халық бір бөлек. Шенеуніктер үстіміз шаң болады деп, ауылға бармайды, елдегі ауыр ахуал мен жұтаң тұрмыс һәм кредит қажытқан кір-қожалақ халықты көргісі келмейді, жиіркенеді, бір жағынан жүздері шыдамайды. Өйткені одан өздерінің қазақты резервацияда үстап отырған қылмыстарын көреді ғой.
Иә, Абай тойы осылайша, қазақты крыса тышқанмен қатар қойып сынаған кешегі Семей ядролық полигоны, бүгінгі өркениеттің тыс қалған – резервацияда өтуде жетім қыздың тойындай болып. Ал Лопес болса бөксесін бұлғаңдатып еліміздің бас қаласы Астана мен мәдени ордасы – Алматыда тайраңдайды. Барыңдар, тайраңдаңдар, билеңдер бірге, ауыздарыңнан көбік аққанша есірік атып! Флаг вам в руки!,
Ал сіздерге айтарым, есті қазағым, көресіздер, биылғы Абай тойын да Астанаға кіргізбейді, алдыңғы жылғы Ахмет Байтұрсыновты кіргізбегендей.
Сондықтан Лопесті дәл 1-і мен 10-ынша тамызға шақырып, қос қалада концерт қойғызуын мен Абай меретойына жасалған, жалпы ұлттық идеологияны жоюға бағытталған диверсия деп бағалаймын! Мұны істетіп отырған ел билігіндегі көрінбейтін жансыз күштер!
Бірақ әлі де кеш емес, бұл күштерді әлі де әшкерелеп, аямай соққы беруге болады.
СОНДЫҚТАН БАРЛЫҒЫҢЫЗДЫ 10 ТАМЫЗ КҮНІ АЛМАТЫДА ӨТЕТІН ЛОПЕСТІҢ КОНЦЕРТІНЕ БОЙКОТ ЖАРИЯЛАУҒА ШАҚЫРАМЫН!
БАЙКОТ!, БОЙКОТ!,,БОЙКОТ!
